Qırımnıñ ava limanları 2014 senesi aman-aman bütün yolcularnı ğayıp ettiler. Bunı Devlet ava hızmetiniñ aviatsiya saasındaki faaliyet neticeleri aqqında malümat tasdıqlay, dep yaza Ukrainskaya pravda.
2013 senesi Belbekniñ yolcular sayısı 24 biñ adamnı teşkil etken edi, şu cümleden 10 biñi halqara uçuşlarda. 2014 senesi uçuşlar olmadı.
Aqmescit ava limanı işğalden evel 1,2 million yolcuğa hızmet etken edi. 2014 senesi ise yalıñız 96,5 biñ kişi (-92%) ava limanından faydalandı, dep yaza neşir.
Rusiye maliye nazirligi bildirgeni kibi, 2014 senesi Qırım taşımalarınıñ yardımına 680 mln ruble ayırıldı, Aqmescit ava limanı 2,8 mln insanğa hızmet etti – 2013 senesine köre 2,3 qat ziyadedir. 2014 senesi Keriç parom keçitiniñ yolcular sayısı 2013 senesine nisbeten dört qat arttı ve 2,8 mln insannı teşkil etti.
