Link açıqlığı

Kiyevde köçip kelgenler içün «umumiy yer» merkezini açtılar


Memleket içinde köçip kelgenler içün merkezde balalar ile keçirilgen iş

«Qırım diasporası» cemaat teşkilâtı Kiyevde memleket içinde köçip kelgenler içün yardım merkezini açtı. Teşkilâtçılar köçip kelgenlerniñ toplaşmaq, qonuşmaq, tecribenen paylaşmaq, trening, ustazlar dersleri ve diger tasil tedbirlerini keçirmek imkânları olsun dep, «umumiy yerni» (co-working) meydanğa ketirmege tırışalar, dep haber ete Qırım.Aqiqat mühbiri.

«Bizler devlet yardımını beklemekten yoruldıq ve bu merkezni özümiz açtıq. Bu gumanitar ştab olmaycaq, bu köçip kelgen iş adamları, ana-babalar ve köçip kelgen balalar içün yardım olacaq», – dep ayttı «Qırım diasporasınıñ» idare reisi Anatoliy Zasoba Qırım.Aqiqatqa.

Anatoliy Zasoba
Anatoliy Zasoba

Merkezde iş yerleri donatılmaqta.

Mında çeşit tedbirler keçirilecek, bütün ilânlarnı «Qırım diasporasınıñ» internet saifelerinde yerleştirecekler.

co-working – iş şekli, onıñ iştirakçileri serbest ve mustaqil olıp, bu yerni faaliyetleri içün qullanalar. Aynı vaqıtta mında bir iş üzerinde bir qaç adam çalışa bile.

2014 senesi mart ayında Rusiye Qırımnı işğal etken soñ bir çoq adam yarımadadan qıtaiy Ukrainağa köçip keldi. Ukraina fevqulâde vaziyetler devlet hızmetiniñ malümatına köre, 2015 senesi aprel 10-ğa qadar Qırım ve Aqyarnı 20 biñ 480 kişi terk etti.

XS
SM
MD
LG