Yalta halqara iqtisadiy forumına bir qaç halqara eyyet kelecek. Tedbirge sekiz memleketten 35 iş adamı qoşulacaq, dep haber ete RİA Novosti. Yaltağa kelecek memleketler arasında: Almaniya, Sloveniya, Çili, Turkiye, İsrail memleketlek bar.
«Birinci forumğa çetel yatırımcı ve şeriklerniñ kelmesi planlaştırılmağanına baqmadan, sekiz memleketniñ temsilcisi kelmege niyetini bildirdi. Olarda, Rusiye orta ticariyetinde olğanı kibi, Qırım yolbaşçılığı ile muzakerelerni keçirmege fırsatı olacaq», – dep bildire «Delovaya Rossiya» cemaat teşkilâtınıñ reisdeşi Andrey Nazarovnıñ sözlerini RİA Novosti.
Onıñ fikrine köre, ileride çetel şirketleri forum iştirakçileriniñ yarısını teşkil etecektir.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
