Link açıqlığı

Roskomnadzor içtimaiy ağlarnıñ, şu cümleden «Odnoklassniki» ve «VKontakte», elektron poçta, Agent.Mail.ru, ICQ qullanıcılarınıñ şahsiy mektüpleşüvlerni teftiş etecek. Bu kibi qararnı RF baş naziri Dmitriy Medvedev imzaladı. Qayd etilgeni kibi, bu kibi qarar Rusiye vatandaşlarınıñ aqlarını qoruycaq «terrorizmge qarşı» paket çerçivesinde qabul etildi, haber ete Rosbalt.

İşbu qararğa binayen, Roskomnadzorda şahsiy beyanatlarnı teftiş etmege aqqı peyda ola. Bundan da ğayrı, haber tarqatqan teşkilâtçınıñ resurslarını talil etecek, qullanıcılarnıñ irişiminde olğan areketlerni qayd etecektir.

Şahsiy mektüpleşüvni yalıñız uquq qoruyıcı organlarınıñ soratuvı ile teftiş etmege mümkün olur. Bunıñ ile teşkerüv eki kere keçecek. Ekinci teşkerüv 60 künlik müddet içerisinde keçirilecek.

Evel İnsan aqları boyunca BMT Komiteti Rusiyeni «Qırım sakinleri içün söz ve informatsiya serbestligini temin etmege» çağırdı.

XS
SM
MD
LG