Qırımtatar Milliy Meclis reisi Refat Çubarov Ukrain yunan-katolik kilsesini Paşaliya hristian bayramı munasebeti ile hayırladı.
«Ukrainada tillerimiz, medeniyet, dinimiz farqlı, amma toprağımızğa olğan soñsuz sevgimiz, serbestlikke sıñırsız ıntıluvımız, bir-birimizge samimiy ürmetimiz bizni birleştire! Din ve sevgige tolğan yürekleriñiz bütün Ukrainanı aydınlatsın!» – yazа Çubarov Facebook saifesinde aşkâr etken hayırlav sözlerinde.
Meclis başı Qırımda Paşaliyanı qayd etken semetdeşlerini de hayırladı.
«Qaranlıq ve kemlik yoq olur, Qırımnı qaytarıp, kene birlikte olacaqmız – yekâne Ukrainadа!» – dey Çubarov.
Qırım.Aqiqat bildirgeni kibi, Aqmescitte knâz Aziz Vladimir ve Оlga mabetinde, Kiyev patriarhat Ukraina ortodoks kilsesiniñ Qırım yeparhiyasınıñ sobor mabetinde insanlar gece Paşaliyanı qarşıladılar.
Aprel 12 künü şarqiy adet hristianlar dininiñ eñ müim Paşaliya bayramını qayd eteler. Bayramnıñ keçirüv künü er yıl ay-küneş taqvimi boyunca belgilene. İlk sefer Paşaliyanı qadimiy yeudiyler İsa Peyğamberniñ doğğanından 1500 yıl evelsi qayd etken ediler.
