Link açıqlığı

Saatnıñ esas haberi

Qırımda Paşaliyanı qayd eteler: insanlar Ukraina ve barışıq içün dua eteler


Aqmescitte knâz Aziz Vladimir ve Оlga mabetinde, Kiyev patriarhat Ukraina ortodoks kilsesiniñ Qırım yeparhiyasınıñ sobor mabetinde insanlar gece Paşaliyanı qarşıladılar.

Tedbirni Aqmescit Mitropoliti ve Qırım Klimenti keçirdi. Cumaertesi, aprel 11-de, saat 23:00 mabetke bir elli insan keldi, dep haber ete Qırım.Aqiqat.

Toplanğanlar eyilikniñ yamanlıqtan üstün olması içün, Ukraina ve barışıq içün dua etti.

Soñunda Kliment insanlarnıñ ketirgen Paşaliya sepetlerine aziz suvnı septirdi.

Aprel 12 künü şarqiy adet hristianlar dininiñ eñ müim Paşaliya bayramını qayd eteler. Bayramnıñ keçirüv künü er yıl ay-küneş taqvimi boyunca belgilene. İlk sefer Paşaliyanı qadimiy yeudiyler İsa Peyğamberniñ doğğanından 1500 yıl evelsi qayd etken ediler.

XS
SM
MD
LG