Link açıqlığı

Qırımda Euromaydan faali tuvğanlarınıñ evinde tintüv keçirile


Qırım Euromaydanı faaliniñ adliyecisi Dmitriy Sotnikov bildirdi ki, Aleksandr Kostenkonıñ ömür arqadaşı aqrabasınıñ dairesinde aprel 9-da Olga Ukolovanıñ evinde tintüv keçirgen adamlar tintüv keçireler.

«Yuliya Taktaşeva – Olga Ukolovanıñ soyunıñ – evinde tintüv keçirile. Dairede qadın ve kiçik bala bar – Saşa Kostenkonıñ torunı. Acele yardım kerek! Tünevin kelgen adamlar. Qapunı qırdılar. Telefonnı tutıp aldılar», – dep bildire adliyeci Facebookta.

«Tsentr jurnalistskih rassledovaniy» bildire ki, Aleksandr Kostenkonıñ ömür arqadaşınıñ ağasına tintüv ile keldiler. O, evde degil, dairede qadın ve üç yaşında balası bar.

«Aynı adamlar keldi. Telefonnı qıdıralar», – dep ayttı Yevgeniya Kostenko.

Malüm olğanı kibi, aprel 9 künü Olga Ukolova – yarımadada «Berkut» hadimine ücüm etkeninde qabaatlanğan Maydan faali Oleksandr Kostenkonıñ grajdan apayınıñ evinde tintüv keçirildi. Edi aylıq balası ve anası ile yaşağan Kostenko apayınıñ evine aprel 9 künü 12 insan keldi.

Qırım Euromaydanınıñ faali Aleksandr Kostenko 2015 senesi fevral 8-de Qırımda apiske alınğan edi. Aleksandr Aqmescitniñ SİZOsında buluna. O, onı qıynağanlarını bildirgen edi.

Uquq qorçalayıcılar bildirdiler ki, faalniñ soy-sopları Aleksandrnıñ babası ile bağlanıp olamaylar. O, Kiyevge ketken edi, amma yarımadağa qaytqanda bağ üzüldi.

Mart 24-te Kostenkonıñ işi Aqmescitniñ Kiyev rayon mahkemesine berildi. Cinaiy iş qabaatını Qırım prokurorı Natalya Poklonskaya baqacaq, aytıla beyanatta.

Qırım Muhtar Cumhuriyetiniñ prokuraturası Herson vilâyetinde faalniñ qanunsız yaqalanması boyunca mahkemeden aldın taqiqatqa başladı.

XS
SM
MD
LG