Link açıqlığı

Qırımtatar halqınıñ tarihı aqqında lektsiyalar Kiyevde muntazam sürette keçirile


Qırımtatarlarnıñ halq oyunı, 20-nci asırnıñ 30-40 seneleri

«Sürgünlik ve avdet: qırımtatar halqı siyasiy küreşiniñ esas devir ve basamaqları», – aprel 16-ğa Kiyevde keçirilmesi belgilengen körüşüvniñ adı. Bunı tedbirniñ teşkilâtçıları Facebookta bildireler.

«1944 senesiniñ sürgünligi qırımtatar halqınıñ XX asır tarihında yüz bergen esas adisesi oldı. On eki yıllıq mahsus yerleşüv, vatanğa qaytmaq ıntıluvı ve akimiyetniñ repressiyalarğa oğratılğan halqnı Qırımğa qaytarmaq istemegeni qırımtatar milliy areketi peyda olmasınıñ sebebi oldılar», – dep aytıla lektsiyanıñ ilânında.

Maarif körüşüvleriniñ teşkilâtçısı NaUKMA Poloniya ve Avropa studiyalarınıñ merkezi oldı. Lektor – Gülnara Bekirova – siyasiy ilimler namzeti, Qırım müendislik pedagogika universiteti tarih kafedrasınıñ sabıq dotsenti, ATR qırımtatar telekanalında «Tarih sedası» yayınınıñ müellifi. Körüşüv aprel 16-da keçirilecektir.

Mayıs 18 künü – Qırımtatar halqınıñ Qırımdan sürgün etilüv künüdir. 1944 senesi o künü qırımtatarlarnıñ birinci treni Orta Asiyağa yollanğan edi.

Qırım işğalinden evel Aqmescitte yıl-yıldan Bütün Qırım matem mitingi keçirilgen edi.

Qırımnıñ Rusiye akimiyeti mayıs 18 künü qırımtatar halqınıñ sürgünligi qurbanlarınıñ hatırasına keçirilgen matem tedbirler yerine yañı bayramnı kirsetecek ola – «quvanç kününi».

XS
SM
MD
LG