Link açıqlığı

Saatnıñ esas haberi

Ukraina haber siyaseti nazirligi «Qırım – Ukrainadır» içtimaiy kampaniyasını amelge keçirdi. Ukrainada «Qırım – Ukrainadır» eki biñ levhası yerleştirildi, dep bildirile nazirlikniñ saytında.

Bundan ğayrı cemaat milliy radioları, milliy ve regional televizion kanallarnıñ audio- ve videolevhalarında yayın keçirilmekte.

«İleride em Ukrainada, em de ondan tış Qırım mevzusına diqqatnı celp etmek içün haber siyaseti nazirligi yarımadanı ukrain informatsion alanına çeküv devlet siyasetini adım-adım ömürge keçirecek», – dep ayttı Ukraina haber siyasetiniñ naziri Yuriy Stets.

Kampaniyanıñ sımaları qırımlılar oldı: Ahtem Seitablayev – rejissör, prodüser, müellif, «Hrabrıye serdtsa» leyhasınıñ alıp barıcısı, Olga Duhniç – siyasiy psiholog, «Novoye vremâ» mecmuasınıñ jurnalisti, Sevgil Musayeva-Borovik – «Ukrainskaya pravda» internet neşiriniñ baş muarriri, Vladislav Seleznev – podpolkovnik, Ukraina Silâlı quvetleri Baş ştabı matbuat hızmetiniñ yolbaşçısı, Liza Bogutskaya – bloger, dizayner, Aleksandr Yankovskiy – «Çernomorskaya teleradiokompaniyanıñ» baş prodüseri, «Qırım.Aqiqat» teleleyhasınıñ reberi.

2014 senesi mart 16-da Qırımda ve Aqyarda sahte referendum olıp keçti, onıñ neticesinde Rusiye Qırımnı öz terkibine qabul etti. Ukraina ve Ğarp bunı tanımayıp, Rusiye Qırımnı işğal etkenini bildireler.

XS
SM
MD
LG