Link açıqlığı

Qırım faali: şair Şevçenkonıñ mühlisleri – ekstremist olmağanını endi bir ay isbatlamağa tırışamız


Qırımda mart 9 künü Aqmescitte ukrain şairi Taras Şevçenkonıñ hatıra aktsiyasına ukrain timsalleri ile çıqqan faalleriniñ işi boyunca mahkeme ketişatı endi bir ay devam ete.

«Ukrain timsaleri de, ulu ukrain şairi, yazıcı, mütefekkir, ressam ve felsefeci hatırasını añmağa çıqqan insanlar da ekstremist olmağanını endi bir ay devamında isbatlamağa tırışamız. Olar Rusiye Federatsiyası Anayasasınıñ 31-nci maddesine köre öz mevamını köstergen insanlardır», – dep yazdı Facebookta faallerden biri Leonid Küzmin.

Malüm olğanı kibi, Aqmescitte «politsiya» hadimleri Şevçenko doğğan kününe bağışlanğan mitingniñ teşkilâtçısı Leonid Kuzmin ve daa eki iştirakçini yaqaladılar. Politsiya hadimleriniñ sözlerine köre, sebep – mitingde ukrain timsalleriniñ olması. Mahkeme üç faalni mecburiy işler ile cezaladı. Faaller mahkeme qararına şikâyet ettiler.

XS
SM
MD
LG