Link açıqlığı

Qırımda Maydan faali apayınıñ evinde politsiya keç maalge qadar tintüvni keçire edi


Qırımda aprel 9 künü Olga Ukolova – yarımadada «Berkut» hadimine ücüm etkeninde qabaatlanğan Maydan faali Oleksandr Kostenkonıñ grajdan apayı evinde keçirilgen tintüv devamında politsiya qapunı qırdı, telefon ve fleş-kartlarnı tutıp aldı. Tintüv saat 21:00 itibaren yarı gecege qadar devam etti, haber ete Tsentr jurnalistskih rassledovaniy.

«Kvartirağa demir qapudan kirmege areket ettiler. Qapu açılmağanından soñ, onı açmaq zaruiriyeti ile kilitni bozğanlar», – denile protokolda.

Adliyeci Dmitriy Sotnikovnıñ aytqanı kibi, tintüv devamında bir qaç telefon, sim-karta ve fleş-kartlarnı tutıp aldılar.

Qırım.Aqiqat bergen malümatqa köre, yedi aylıq balası ve anası ile yaşağan Kostenko apayınıñ evine aprel 9 künü 12 insan keldi. İnsan aqları boyunca Qırım alan eyyetiniñ bildirgeni kiibi, evge kirgen formalı insan özüni Çalabev kibi, daa biri Terehov Dmitriy Aleksandroviç olaraq tanıttılar.

Qırım Euromaydanınıñ faali Aleksandr Kostenko 2015 senesi fevral 8-de Qırımda apiske alınğan edi. Aleksandr Aqmescitniñ SİZOsında buluna. O, onı qıynağanlarını bildirgen edi.

Uquq qorçalayıcılar bildirdiler ki, faalniñ soy-sopları Aleksandrnıñ babası ile bağlanıp olamaylar. O, Kiyevge ketken edi, amma yarımadağa qaytqanda bağ üzüldi.

Mart 24-te Kostenkonıñ işi Aqmescitniñ Kiyev rayon mahkemesine berildi. Cinaiy iş qabaatını Qırım prokurorı Natalya Poklonskaya baqacaq, aytıla beyanatta.

Qırım Muhtar Cumhuriyetiniñ prokuraturası Herson vilâyetinde faalniñ qanunsız yaqalanması boyunca mahkemeden aldın taqiqatqa başladı.

XS
SM
MD
LG