Kino saasında ileri dünya neşiri Hollywood Reporter Rusiyede mabus olğan ukrain rejissörı Оleg Sentsov aqqında kino çıqarıluvına para toplanılğanı aqqında bildirdi.
Bunı Ukraina kinematograflarnıñ milliy birligi (NSKU) bildire.
Filmge müelifleri 12,5 biñ yevro (13,7 biñ dollar) toplaycaq olalar.
NSKU hatırlattılar ki, vesiqalı filmniñ birinci müellifi Rusiye kinorejisserı Askold Kurov ola. Müelifdeşi – ukrain kinorejissörı Andrey Litvinenko, «Yevromaydan Qaralama montaj» almanahnıñ iştirakçilerinden biri. Bunıñ ile leyhada Оleg Sentsovnıñ prodüsseri Olga Jurjenko ve «Srok» leyhasınıñ iştirakçileri Mariya Gavrilova ve Maksim Tuul.
Leyhağa qoşulmağa istegenler mında kire bile.
Oleg Sentsov 2014 senesi mayıs 11-de Qırımda Rusiye uquq qoruyıcı organlar tarafından yaqalandı. Onı teraktrlar azırlamasında qabaatlaycaq olalar. Avgust 8-de Moskva mahkemesi Sentsovnı apste tutuv apellâtsiyasını red etti.
Sentsovnıñ bir çoq zenaatdaşı ve uquq qorçalayıcıları onı «siyasiy mahbüs» olaraq tanıp, onı azat etmege rica eteler. Olarnıñ fikirince, qabaatlar uydurılğan, rejissörni ise onıñ noqtaiy-nazarı içün yaqaladılar.
