Qırımda FSB hadimleri aman-aman 10 saat devam etken tintüvden soñ evel BlackSeaNews Qırım neşiriniñ baş muarriri olğan Tatyanı Guçakovanı sorğuğa alıp ketti. Bunı BlackSeaNews baş muarriri Andrey Klimenko öz Facebook saifesinde bildirdi.
Onıñ sözlerine köre, FSB hadimleri Tatyana Guçakovağa cumaaqşamı, aprel 9-da, saba saat 7.45 keldiler. Tintüvden soñ onı belgisiz yönelişke adıp kettiler.
Evde olğan bütün bilgtsayarlar tutıp alındı. Bundan soñ Tanânı alıp kettiler.
«Tintüv aman-aman 10 saat devam etti. Evde olğan bütün bilgtsayarlar tutıp alındı. Bundan soñ Tanânı alıp kettiler. Saat 17:00-den soñ. Bu yıl devamında Kiyevge köçken muarririyette çalışmağanına baqmadan, Ukraina jurnalistleriniñ milliy birliginiñ azası ola, yani, bizim zenaatdaşımızdır», – dedi Klimenko, ve Guçakova endi bir yıldır BlackSeaNews ile çalışmağanını qayd etti.
«Maydan inostrannıh del» fondunıñ başı Bogdan Yaremenko aytqanı kibi, Guçakovanıñ yaqalanuvı – «Qırım Rusiyeniñ işğalci akimiyetiniñ farqlı tüşüngenlerge qarşı alçaq ve qanunsız küreşiniñ daa bir misalidir».
Federal havfsızlıq hızmeti bugün reine aldı
«FSB bugun reine aldı. Bu teraktnıñ maqsadı – meni ve Andreyni (Klimenko – muar.) «Maydan inostrannıh del» ve BlackSeaNews faaliyetimizde qorquzmaqtır. Biz bu malümatnı tarqatamız ve ne işimizni, ne Tatayana Guçakovanıñ azat etilmesi içün küreşimizni iç bir zaman toqtatmamız», – dedi o.
Tatyana Guçakova Qırımda 2010-2014 seneleri çalıkşan «Qırım siyasiy dialogı» halqara teşebbüsiniñ azası edi. Yarımada işğalinden soñ teşkilâtnıñ faaliyeti toqtaldı.
«BlackSeaNews» internet resursı endi bir yıldır Kiyevden çalışa. Baş muarriri Andrey Klimenko aytqanı kibi, taqipke oğrağan sayt jurnalistleri Qırımnı terk etmege mecbur edi. Qalğanlarnı qasevet etip, olar aqqında matbuat vastalarında bir şey aytmamağa areket ete eken. «Menimkilerni anda öyle de qıdıralar, öz izaatlarım ile bu işke sebep doğuracağımdan qorqa edim. Duşmanlarğa artqaç manaçıq bermege istemeyim. Tış mühbirlerimiz çoq, olarnı tüşünem. Bütün bu alçaq erifler meni oquğanını billem. Olar lâqayt degiller. Qıdıruv faaliyetleriniñ arttırılmasına sebep bermege istemeyim», – dey edi o Qırım.Aqiqatqa.
