Link açıqlığı

Aqmescitte aprel 9 künü Rusiye işğalinden soñ qabul etilgen Qırım Anayasasınıñ tantanalı berüv merasimi keçti. Şu cümleden, vesiqanı 2014 senesi aprel11 künü doğğan balalarğa tarqattılar. Olarnı cumhuriyet akimiyeti yañı Qırım Anayasasınıñ yaşdaşları olaraq adlay, haber ete Qırım.Aqiqat.

Bu kibi hayırlavlarnı bir yaşında olğan dört balanıñ ve eki yañı doğğan balanıñ ana-babası elde etti. Balalarnı Qırım sağlıq saqlav nazirligi, Adliye nazirligi, Pension fondunıñ, sigorta şirketleriniñ vekilleri hayırlamağa keldi.

2014 senesi aprel 11 künü Aqmescit ZAGSnıñ qayd etüv bölüginiñ malümatına köre, 20 bala doğdı, olardan 13 oğlan ve 7 qız.

2014 senesi aprel 11 künü rusiyeli Qırım Devlet Şurasınıñ nevbetten tış toplaşuvında 8 bab ve 95 maddeden ibaret olğan Qırım Cumhuriyetiniñ Anayasası» qabul etildi. İşbu vesiqanıñ qabul etilmesini Qırımtatar Milliy Meclisinde takbih etken ediler.

XS
SM
MD
LG