Aprel 9-da Moskva Lefortovo mahkemesi Rusiyede teraktlarnıñ azırlanmasında şeklep mahkeme etilgen Qırım faali Aleksandr Kolçenkonıñ apis müddetini mayıs ayına qadar arttırdı.
Bunı AÇK-Moskva cemaat teşkilâtı Qırım.Aqiqatqa bildirdi.
Teşkilâtnıñ malümatına köre, Kolçenko Moskva SİZOsında mayıs 16-ğa qadar apiste bulunacaq.
Qırımda faşizmge qarşı küreşken içtimaiy faal Aleksandr Kolçenko 2014 senesi mayıs ayında Aqmescitte apiske alınğan edi. Onı Moskvadaki «Lefortovo» SİZOsına yolladılar. FSB taqiqatçıları onı ve Qırımnıñ daa üç sakinini, şu cümleden ukrain rejissöri Oleg Sentsov, tarihçı Aleksey Çirniy ve adliyeci Gennadiy Afanasyevni terroristik areketler, terakt azırlanması ve silânı qanunsız qullanuvda qabaatlaylar.
Qırım.Aqiqat bildirgeni kibi, Moskvanıñ Lefortovo mahkemesi aprel 8-de Oleg Sentsovnıñ apiste bulunuv müddetini mayıs 11-ge qadar arttırdı.
Ukrainada Kolçenko ve Sentsovnı siyasiy mabus olaraq tanıp, olarnı azat etmege talap eteler.
