Ukraina Yuqarı Radası cenk vaziyetiniñ rejimi aqqında Ukraina prezidenti Petro Poroşenko kirsetken qanun leyhasını birinci oquvda qabul etti.
№2541 qanun leyhasına 258 halq deputatı rey berdi, dep haber ete Radio Svoboda.
Qanun leyhası cenk vaziyetiniñ uquq rejimini, onı kirsetüv ve lâğu etüv tertibi, devlet akimiyeti organları ve cenk vaziyetinde arbiy komandanlıq faaliyetiniñ uquq esaslarını belgiley.
Qanun leyhasına binaen, Ukrainada ya da onıñ ayrı yerlerinde cenk vaziyetini kirsetüv tekliflerini RNBO (Milliy havfsızlıq ve mudafaa şurası) Ukraina prezidentine bere.
Ukraina prezidentiniñ cenk vaziyetiniñ kirsetilmesi aqqında buyruğı çıqqan soñ Yuqarı Rada eki kün içinde prezident emiriniñ tasdıqlanması aqqında meseleni baqa.
Mart 3-te Ukraina prezidenti Petro Poroşenko Yuqarı Radağa cenk vaziyetiniñ uquq rejimi aqqında qanun leyhasını kirsetti.
Mart 12-de Poroşenko fevral 18-de RNBOnıñ «Ukraina milliy havfsızlığınıñ pekitilmesi boyunca qoşma tedbirler aqqında» qararını işke tüşürdi.
