Link açıqlığı

Aprel 9-da üyle vaqtında rusiyelilerniñ prezident Vladimir Putinge suallerini qabul etmege başlaycaqlar. O, aprel 16-da canlı yayında olarğa cevap berecek, dep ayttı onıñ matbuat kâtibi Dmitriy Peskov, dep bildire RİA Novosti.

Suallerni SMS, MMS ve telefon vastasınen bermek mümkün. Em de cep telefonı vastasınen video sualini bermege imkân bar.

«Moskva – Putinge» mobil imkânları vastasınen sual bermek mümkün», – dep ayttı Peskov.

Agentlikniñ malümatına köre, Android, Apple ve Windows operatsion sistemaları içün mahsus programma azırlandı. «Vkontakte», «Odnoklassniki» ve Facebook saifelerinden ondan faydalanmağa imkân olacaq.

Kremlniñ bildirgenine köre, Qırım da Rusiye prezidenti ile «doğru ağğa» qoşula bile.

Peskovnıñ qayd etkenine köre, suallerniñ 80%-dan ziyadesi cep telefonlarından kele. Prezidentniñ ananeviy «doğru ağları» Putin ilk sefer prezident olğanda peyda olğan edi. İlk sefer 2001 senesi dekabr 24-te keçirilgen edi. Soñki 2014 senesi aprel ayında, Rusiyeniñ Qırım işğalinden soñ olıp keçti.

XS
SM
MD
LG