Link açıqlığı

Ukraina televideniye ve radio yayını meseleleri milliy şurasında Qırımtatar Milliy Meclisiniñ reisi Refat Çubarov ile körüşüv olıp keçti. Tedbirde Roskomnadzor tarafından qayd etilmegen ATR qırımtatar telekanalı yayınınıñ yañartması baqıldı.

Bunı Milliy şuranıñ matbuat hızmeti bildire.

«Qırım teleradiokompaniyasınıñ yayınını qıtaiy Ukrainada ğayrıdan tiklemek imkânları, kanal yayınlarınıñ programma hızmeti provayderleriniñ kabel ağlarında tarqatılmasına yardım muzakere etildi. Yarımadada yaşağan ve malümat qamaçavına oğrağan qırımtatar ealisine müim malümatnı yetkizüv yolları da baqıldı», – dep aytıla beyanatta.

Körüşüvde Ukrain radio dalğaları ve Köntsern RRT merkeziniñ vekilleri iştirak ettiler. Olar ATR kanalına qoltutıp, işbu meseleniñ al etilmesine issesini qoşmağa azır olğanını bildirdiler.

Aprel 1-den itibaren ATR yayınını toqtattı. Mart ayınıñ soñuna qadar ATR media-holdingi Rusiye qanunlarına köre kütleviy haber vastası olaraq öyle de qayd olamadı.

Şirket Roskomnadzorğa vesiqalarını bir qaç kere bergen edi, lâkin olarnı farqlı sebeplerden keri qaytara ediler. Aprel 1-ge keçer gecesi ATR telekanalı, Lâle bala telekanalı işini toqtatmağa mecbur oldılar. «Meydan» ve «Lider» radioları da diñleyicilerinen sağlıqlaştılar. Reberlik telekanalnı qayd etmege tırışacağını bildirdi.

ATR qapatılğan soñ cumhuriyetniñ akimiyeti cemaat qırımtatar telekanalını açmağa teklif etti. Olarnıñ fikirince, qırımtatarlar kerçek malümatnı almaq aqqını qullanacaqlar.

XS
SM
MD
LG