Link açıqlığı

Qırım jurnalistniñ FSB sorğusı soñuna yetti


Aqmescitte saba Rusiye Fedaral havfsızlıq hızmetine kelgen Qırım jurnalisti Anna Şaydurovanıñ sorğusı soñuna yetti.

Qırım.Aqiqatqa jurnalistniñ adliyecisi İslâm Velilâyev aytqanı kibi, sorğu Şaydurova çalışqan «Tsentr jurnalistskih rassledovaniy» maqalesi boyunca cinaiy işniñ çerçivesinde keçirildi.

«Şaat olaraq sorğuğa çekildi. Sorğuda bulundım, er şey tınç keçti, tarik etici sualler yoq edi. FSB hadimleri suallerine tafsilâtlı cevaplarnı aldılar», – dedi o.

Malüm olğanı kibi, 2015 senesi mart 13-te Qırım jurnalistleri Anna Andriyevskaya ve Natalya Kokorinanıñ ana-babaları yaşağan evlerde FSB tintüv keçirdi. Bunıñ sebebi Tsentr jurnalistskih rassledovaniy neşirinde çıqqan maqale boyunca cinaiy iş oldı.

Böylece, Qırımda yaşamağan Anna Andriyevskayağa qarşı FSB Rusiye Ceza kodeksiniñ 280.1-inci maddesi boyunca «Krım» batalyonınıñ göñüllileri aqqında maqalesi içün cinaiy iş açtı.

Natalya Kokorinanıñ ana-babasınıñ evinde tintüv keçirilgen soñ jurnalistni FSB idaresine alıp kettiler. Onı iş boyunca şaat olaraq altı saat sorğuğa çektiler. Soñra ise bilgiyasayarını alıp, azat ettiler.

XS
SM
MD
LG