«Avdet» qırımtatar gazetasınıñ yolbaşçılığı işine Roskomnadzor qaydı olmadan devam etmek içün imkân taptı.
Muarririyette aytılğanı kibi, Rusiye qanuniyeti, gazetalarnıñ tirajı biñden çoq olmasa, olarğa qaydsız da çıqmağa izin bere.
«Amma böyle alda abunecilerimiz zarar körecek. Şunı bildirmege isteymiz ki, bu vaziyetten de çıqış yollarını qıdıramız ve abunecilerimizge para qaytarmaq ya da qaydnı elde etmek içün areket etemiz. Oquyıcılarımız ile qalamız. Birazdan bizni yañartılğan saytımızda da oquy bileceksiñiz, şimdi o daa çalışmay», – deyler gazetada.
2015 senesi mart 31-ne qadar Qırımda bir sıra qırımatatar matbuat vastası işley edi: «Yañı Dunya», «Qırım», «Golos Krıma», «Avdet» gazeteları, «Qasevet», «Yıldız» mecmuaları, «QHA Qırım haberleri» ve «15 minut» internet portalı, ATR ve Lâle telekanalları, Meydan radiosı.
«Armançıq» qırımtatar bala mecmuası Roskomnadzordan qayd etüv şeadetnamesini elde etti.
Malüm olğanı kibi, aprel 1-den itibaren ATR işini toqtattı. Mart ayınıñ soñuna qadar telekanal Rusiye qanunlarına köre öyle de qayd olamadı.
