Ukraina Tış işler nazirliginde 1783 senesi aprel 8 künü olğan tarihiy vaqianı hatırlattılar. Şu künü ІІ Yekaterina beyannamesi ile «Qırım yarımadası, Taman adası ve Kuban tarafını nezaret altına almağa» avale etti.
«Yekaterina II beyannamesi ile Qırım işğali aqta ilân etti. 2014 senesi olğanı kibi, cinayetniñ delili – tsinizmniñ soñ derecesi», – yazdı twitterde Ukraina Tış işler nazirliginiñ temsilcisi Yevgen Perebiynis.
2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.
Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.
