Link açıqlığı

Qırım memurı: Cemilev Erdoğan itibarına qast ete


Türkiye prezidenti Recep Tayip Erdoğan ve qırımtatarlarnıñ yetekçileri – Mustafa Cemilev ve Refat Çubarov

Qırımnıñ şimdiki akimiyeti Türkiyede Qırımtatarlarnıñ bütün dünya kongressini azırlav platformasınıñ keçirilmesini ve anda qırımtatar halqınıñ yetekçisi Mustafa Cemilevniñ iştiragini Türkiye halqara yerine qast etüv olaraq tanıy.

Milletlerara munasebetler ve sürgün olunğan grajdanlarnıñ işleri boyunca devlet komitetiniñ reisi Zaur Smirnov tüşüngeni kibi, Türkiyede Qırımtatarlarnıñ bütün dünya kongressi keçirilmesiniñ esas maqsadı – Türkiye prezidenti Recep Tayip Erdoğan itibarınıñ halqara meydanında bozulması ve onıñ Rusiye ile ziddiyetke celp etilmesdir.

«Erdoğannıñ eski raqibi Fethullah Güllen (türk muhalifi) siyasiy fitnelerde iştirak etip, bugün AQŞda yaşay. Onıñ ile Meclisniñ sabıq yetekçisi Mustafa Cemilev sıqı işbirlikte buluna. Maqsadı – Türkiye prezidenti Recep Tayip Erdoğan itibarını halqara meydanında bozmaq ve onı Rusiye Federatsiyası ile olğan ziddiyetke celp etmektir», – dey Zaur Smirnov RİA Novosti agentligine.

Türkiyede iyül 31 – avgust 2 kününe qadar Qırımtatarlarnıñ bütün dünya kongressini keçirecek olalar. Kongressniñ teşkil etilmesi aqta qararnı Ankarada keçken raatlıq künleri keçirilgen Türkiyeniñ qırımtatar teşkilâtlarınıñ toplaşuvı neticesinde alındı.

XS
SM
MD
LG