Lvivde Qırımdan köçip kelgen Halil Halilov caz mektebini açtı. Endi mında 100-ge yaqın talebe oquy – endi ögrenmege başlağanlardan alışqanlıqlarını eyileştirmege istegenlerge qadar.
«Segodnâ» bildirgeni kibi, gruppada caz, blüz ya fank çalmasını ögrenmek mümkün.
Halil Halilovnıñ sözlerine köre, mektepniñ açılması oña Qırım asretine dayanmağa çare berdi.
«Lvivde işbu mektepniñ negizinde qırımtatar muzıkasınıñ zemaneviyleştirüvini keçirmege isteyim. Köçip kelgenlerniñ qoşulmasını planlaştıram, er kes çalğı aletini satın alıp olamay, oqutuv parasını beralmay, şimdi stipendiyanı teşkil etmege tüşünem», – dedi o.
Caz festivalleriniñ iştirakçisi, oca İgor Gnidin aytqanı kibi, Halil Halilov yerli insanlar yapıp olmamağan şeyni becerdi – çalğıcılarnı birleştirip, yañı caz mektebini açtı.
«Çalğıcılar sanağa çıqıp, ukrain cazınıñ yañı nesilini temsil etecekler», – dedi Gnidin.
Caz mektebiniñ talebeleri yaqın zamanda çıqışta bulunacaq. Yazda çalğıcılar «Flügerı Lvova» ve «Jazz Bez» halqara festivallerinde iştirak etecek.
