Link açıqlığı

Cemilev: Qırımtatarlarnıñ bütün dünya kongressiniñ vekillerini yarımadağa kirsetmey bileler


Qırımtatarlarnıñ milliy yetekçisi Mustafa Cemilev Qırımtatarlarnıñ bütün dünya kongressiniñ vekillerinde Rusiye akimiyetiniñ nezareti altında olğan yarımadağa qaytması ile problemler ola bilecegini tüşüne.

Bunı o Qırım.Aqiqatqa añlattı.

«Ebet, telüke bar. İşğalci akimiyet ne yapa bilecegini bilmeymiz. Amma aynı vaqıtta faaliyetimizge devam etmek kerekmiz. Olar keder etecek olsa, biz de, öz nevbetimizde, qarar alırmız. Lâçare?» – dedi Cemilev.

O şunı da bildirdi ki, bunı Rusiye akimiyeti tarafından qırımtatar milliy yetekçilerine yarımada kirişi yasaq etilgenine baqıp aytmaq mümkün.

Türkiyede iyül 31 – avgust 2 kününe qadar Qırımtatarlarnıñ bütün dünya kongressini keçirecek olalar. Kongressniñ teşkil etilmesi aqta qararnı Ankarada keçken raatlıq künleri keçirilgen Türkiyeniñ qırımtatar teşkilâtlarınıñ toplaşuvı neticesinde alındı.

XS
SM
MD
LG