Link açıqlığı

«Armançıq» qırımtatar bala mecmuası Roskomnadzorda qayd etildi


«Armançıq» qırımtatar bala mecmuası Roskomnadzordan qayd etüv şeadetnamesini elde etti. Bunı salı künü, aprel 7-de, QHA Qırım haber agentligi bildire.

Mecmuanıñ baş muarriri Ediye Müslimova aytqanı kibi, endi mecmuanı Rusiye Federatsiyasında ve çetelde tarqatmaq mümkün.

Qırımtatar tilinde basılğan gazetalar sırasına «Sudakskiye vesti» gazetasına ilâve olğan «Suvdağ sesi» neşiri de kirdi.

Evel «Golos Krıma» qırımtatar gazetası Roskomnadzorda qayd etilgen edi. Bildirilgeni kibi, gazeta 6 biñ nusha ve «Golos Krıma New» yañı serlevası ile çıqacaq.

2015 senesi mart 31-ne qadar Qırımda bir sıra qırımatatar matbuat vastası işley edi: «Yañı Dunya», «Qırım», «Golos Krıma», «Avdet» gazeteları, «Armançıq», «Qasevet», «Yıldız» mecmuaları, «QHA Qırım haberleri» ve «15 minut» internet portalı, ATR ve Lâle telekanalları, Meydan radiosı.

Malüm olğanı kibi, aprel 1-den itibaren ATR işini toqtattı. Mart ayınıñ soñuna qadar telekanal Rusiye qanunlarına köre öyle de qayd olamadı.

XS
SM
MD
LG