Qırım akimiyeti turistik saasında muayyen bir añlaşma olğanını bildire. Qırım Nazirler Şurasınıñ reis muavini Ruslan Balbek kütleviy turizm inkişafı meselelеri boyunca toplaşuvda «Solneçnaya Tavrika» Qırım delvet şurasınıñ sabıq yolbaşçılığı tarafından aracı sheması meydanğa ketirilgenini bildirdi.
Onıñ sözlerine köre, sabıq reber Yelena Nikitenko «Kurort tükânı» Yekâne kurort ağı» mesuiyeti sıñırlı olğan cemiyetke devlet şirketi adından kurort hızmetlerini satmağa izin bergen añlaşmanı imzalağan eken.
«Ebet, merağlanğan şahıslarnıñ zenginleştirüv shemasını qurğan temelli aracı şirketler bar olmalı», – dey Ruslan Balbek.
Qırım ükümetiniñ matbuat hızmetinde aytılğanı kibi, añlaşma 2014 senesi dekabr 30-da bir senege qabul etildi.
«Saa siyasetini teşkil etken nazirlik bunı mıtlaqa bilmek kerek edi. Bilmese –tecribesizlik meselesi, bilse, merağı bar, demek», – dedi Balbek.
Malüm olğanı kibi, evel Ruslan Balbek Qırım kurort Nazirligi Rusiyeniñ eñ büyük turopretorı ile işni qurıp olamağanını bildirgen edi.
