Qırım akimiyeti Aluşta, Yalta ve Massandra yalı kenarlarını olarnıñ sanitar talaplarğa uyğanını ve mında inşaatlarnıñ oluv qanuniyligini teşkerdiler. Neticeler eyi olmadı, – dep bildire Qırım akimiyetiniñ matbuat hızmeti.
Birinci baş nazir muavini Mihail Şeremet aytqanı kibi, teşkerüv «müim meselelerniñ olmasını belgiledi», bu al ise işbu yönelişte yerli akimiyetiniñ insafsız işlegenine bağlıdır.
«Aluştanıñ yalı kenarı daa bir qarardır, nezaret etilgen diger obyektler aqta öyle aytamam. Pek qıyın vaziyet – çöplük obalarından başlap, MAF olğanına qadar. Massandrada yalı kenarını kirağa alğan ve öz başına meydannı bölgen kiracılar ile bağlı vaziyet de kegindir. Raatlanğanlar içün insaniyetsiz şaraitlerni meydanğa ketireler, deñizden zevq almaq yerinde buña baqmaq mecburlar», – qayd etti Şeremet.
O şunı da aytıp keçti ki, Qırımnıñ cenübindeki yalı kenarları turistlerniñ kelmesine azır olmalı. Ve teşkerüv neticelerini Qırım baş naziri Sergey Aksönovğa bildirecegini qoşıp ayttı.
