Kоrnilov yalı kenarında yerastı çöplük tenekeleriniñ yerleştirilüvi bоуnca leyhanı amelge keçirmege başladılar. Qırım.Aqiqat mühbirine hızmetçilerden biri aytqanı kibi, böyle tenekeler yer üstünde olğanlarğa köre daa da eyidir.
«Mahsus aletler sayesinde yel olğanda, tenekelerdeki çöplük soqaqlarğa uçurıp çıqmaz, terenligi de, yer üstünde olğan çöplük tenekelerine köre, içine daa da çoq qalımtı sığar», – dey o
Onıñ sözlerine köre, böyle tenekelerni adam çoq olğan yerlerde yerleştirecekler. Şeerniñ diger rayonlarında adetiy çöplük tenekeleri qalacaq.
Hızmetçiler şunı da qayd ettiler ki, Balıqlavada böyle tenekelereniñ yerleştirilmesi ile bağlı olğan hatalarnı tekrarlamamaq – olarnıñ esas vazifesidir.
«Balıqlavada bir qaç yerastı teneke yerleştirildi ve insanlar olarnı qullanmağa daa mümkün olmağan vaqıtta qullanmağa başladı. Tenekege ise mahsus bir çöplük torbası başta qoyulmalı. Onı soñ çöplük ile çıqarıp atalar. Balıklavada ise insanlar böyle torbaları olmağan tenekelerge çöplük atmaqta edi», – dedi hızmetçi
Şeerde bu birinci yañılıq degil. Evel Aqyarda Uşakov meydanında «yañı nesil» naqliyat turağını yerleştirildiler. Mında telefon, planşetler içün yüklendirici alet, videokamera, muhtar yarıq kibi yañılıqlar bar eken
