Bütün Rusiye devlet tele ve radio şirketi çetelde Qırım işğali aqqında filmni kösterecek ola. Bu maqsat ile «Qırım. Vatan yolu» filmini Kannı şeerinde MIPTV halqara çarşısında taqdim etecekler.
RİA Krım bildirgeni kibi, «MIPTV çerçivesinde filmniñ diger memleketlerde, şu cümleden Kanada, Yaponiya, Büyük Britaniyada kösterüvine litsenziya berüv añlaşmalarını soñuna qadar qabul etmege planlaştıralar».
«Sovteleeksport Kannı şeerinde filmniñ Kanada, Meksika, Venesuela, Argentina, Qıtay, Yaponiya, Büyük Britaniya, Felemenk, Norvegiya, İsveçre, Almaniya, İtaliya, Slovakiyada kösterüvine litsenziya berüv añlaşmalarını soñuna qadar qabul etecek ola», – denile bildirüvde.
Bunıñ ile şunı bildireler ki, aprel başında «Qırım. Vatan yolu» filmi Danimarka DR2 telekanalında çıqacaq, Telewizja Polska S.A Poloniya teleşirketi numayışnı aprelde kösterecek ola.
Qırım statusı aqqında «referendum» işğali yıllığınıñ arfesinde, mart 15 künü, «Rossiya 1» telekanalı «Qırım. Vatan yolu» filmni taqdim etti. Eki saatlik vesiqalı film. Mında Rusiye prezidenti Vladimir Putin ve yarımadada bıltır olıp keçken diger adiselerniñ iştirakçileri Qırımnıñ Moskvağa keçkenine öz noqtaiy nazarını bildireler.
Ukraina baş naziri Arseniy Yatsenük adliye nazirligine Putinniñ intervyüsini Halqara cinaiy mahkemesine yollamağa avale etti.
