Link açıqlığı

Aqmescitte aprel 7-de saba Qırım jurnalisti Anna Şaydurovanı telefon vastasınen Federal havfsızlıq hızmetiniñ idaresine (FSB) çağırdılar.

Bunı Şaydurova Qırım.Aqiqatqa bildirdi.

«Saba telefon ettiler, FSBge çağırdılar. Men resmiy vesiqalar aqqında soradım, maña cevap berdiler: «Siz keliñiz, biz er şeyni beririk», – dep ayttı Şaydurova.

Sorğuğa çağırğan FSB mayorı telefonda tafsilâtlı malümat bermedi.

Şaydurovanıñ aytqanına köre, sorğu sebebi onıñ eski işi ile bağlı ola bile. Çünki o da Tsentr jurnalistskih rassledovaniy agentliginiñ hadimi edi.

Jurnalist salı künü üyleden soñ FSBge barmağa niyetlene.

Malüm olğanı kibi, 2015 senesi mart 13-te Qırım jurnalistleri Anna Andriyevskaya ve Natalya Kokorinanıñ ana-babaları yaşağan evlerde FSB tintüv keçirdi. Bunıñ sebebi Tsentr jurnalistskih rassledovaniy neşirinde çıqqan maqale boyunca cinaiy iş oldı.

Böylece, Qırımda yaşamağan Anna Andriyevskayağa qarşı FSB Rusiye Ceza kodeksiniñ 280.1-inci maddesi boyunca «Krım» batalyonınıñ göñüllileri aqqında maqalesi içün cinaiy iş açtı.

Natalya Kokorinanıñ ana-babasınıñ evinde tintüv keçirilgen soñ jurnalistni FSB idaresine alıp kettiler. Onı iş boyunca şaat olaraq altı saat sorğuğa çektiler. Soñra ise bilgiyasayarını alıp, azat ettiler.

XS
SM
MD
LG