Link açıqlığı

Harkov ve Mariupolde patlavlar yüz berdi


Harkovnıñ merkezinde aprel 7-de belgisiz şahıslar Ğalebe caddesindeki devlet bayrağı ile direkni patlattılar.

Harkov vilâyeti prokuraturasınıñ matbuat hızmeti UNİAN agentligine bildirgeni kibi, patlav tahminen saat 3:40 yüz berdi. Prokuraturanıñ malümatına köre, direkniñ tübünde bir şey patladı. Böylece direkniñ bir qısmı zarar kördi, em de, ilk malümatlarğa köre, Ğalebe caddesine yaqın olğan Tibbiy universitet binasınıñ pencereleri qırıldı.

Vaqia yerine taqiqat-operativ gruppa çıqqan edi. Ekspertler ilk malümatlarnı toplap, olarnı tedqiqke yolladılar. Al-azırda patlav maddesi belli degil. Taqiqat keçirilmekte, dep haber ete agentlik.

Daa bir patlav gece Mariupolde yüz berdi. Bunı yerli kütleviy haber vastaları bildire. 0629 saytınıñ malümatına köre, gece saat 2:16 şeer sakinleri patlavğa oşağan sesten uyandılar. Şeerniñ merkezi rayonında turğan maşinalarınñ signalizatsiyası çaldı.

Resmiy malümat daa yoq.

XS
SM
MD
LG