Link açıqlığı

Rusiye Tış işler nazirligi dünya toplulığı ATR qapatılması ile bağlı kötergen «ses-şamatanı» añlap olamay


Rusiye Tış işler nazirligi dünyada yekâne olğan ATR qırımtatar telekanalınıñ qapatılması ile bağlı Qırımda insan aqları ve qırımtatarlarnıñ aq-uquqlarını sıñırlanması aqqında beyanatlarnı «sebepsiz ve çorlandırıcı» dep adladı. Bu aqqında Rusiye Tış işler nazirliginiñ resmiy saytında bazarertesi künü, aprel 6-da, derc etilgen beyanatında aytıla.

«Belli bir müddet içinde Rusiye kütleviy haber vastası olaraq qayd olamayıp, aprel 1-den itibaren Qırım Cumhuriyetinde tele- ve radio yayınlavını toqtatqan ATR mediaholdingi etrafında bir sıra çetel ortaq ve uquq qorçalayıcı teşkilât kötergen ses-şamata teren bir ayret doğura», – aytıla Rusiye Tış işler nazirliginiñ beyanatında.

Nazirlikniñ tahminlerine köre, telekanal qapatılmasınıñ sebebi «mediaholding saipleri tarafından Rusiye qanunlarınıñ talaplarınıñ aselet yapılğan bozuvı» ola.

«Kütleviy haber vastalarınıñ plüralizmini istegen er kesni Qırımda milletlerara munasebetler saasında vaziyetni sahte sürette kerginleştirmemege çağıramız, mında ilk sefer Qırım Cumhuriyetiniñ anayasasında qırımtatar, ukrain ve rus tilleri aynı statusnı aldılar», – aytıla nazirlikniñ beyanatında.

Mart ayınıñ soñuna qadar ATR media-holdingi Rusiye qanunlarına köre kütleviy haber vastası olaraq öyle de qayd olamadı. Şirket Roskomnadzorğa vesiqalarını bir qaç kere bergen edi, lâkin olarnı farqlı sebeplerden keri qaytara ediler. Aprel 1-ge keçer gecesi ATR telekanalı, Lâle bala telekanalı işini toqtatmağa mecbur oldılar. «Meydan» ve «Lider» radioları da diñleyicilerinen sağlıqlaştılar. Reberlik telekanalnı qayd etmege tırışacağını bildirdi.

XS
SM
MD
LG