Geraylar sülâlesiniñ er bir qırımtatar şahzadesi yazıcılarnıñ diqqatını celp etip olamay ve tarihiy romanlarnıñ qaramanı olamağan edi. Adil Geray bunı yaptı. Onıñ parlaq, amma, maalesef, qısqa ömrü «Adil-Sultan» Qırım poemasınıñ temeli olmaqnen beraber tükr yazıcısı Namık Kemalge de «Cezmi» romanınıñ yazmasına ilham oldı.
Ve tesadufen degil – Adil Geray sülâleniñ parlaq şahıslarından biri edi.
Qırımtatarlar ve olarnıñ devletçiligi, Şarqiy Avropanıñ eñ nufuzlı devletlerinden biri – Qırım hanlığı tarihınıñ acınıqlı saifeleri – Qırım.Aqiqatnıñ yañı leyhası – Qırım tarihçısı Gülnara Abdullanıñ «Tuğra» adlı videoblogunda.
Tuğra – hanlarnıñ müüri, qırımtatar devletçiliginiñ timsali, Qırımnıñ şimdiki aqiqatına olğan hususiy bir anahtardır.
Adil Geray sülâleniñ parlaq şahıslarından biri edi
Metn müelifi ve alıp barıcı Gülnara Abdulla, rejissör Fatima Osmanova, operator ve montaj rejissörı Eldar Halilov, ğaye müellifi ve prodüsser Emine Ceppar.
Videoda meşur Qırım müellifleri ve icracıları Enver İzmaylov ve Afize Kasaranıñ muzıkası, «Larişes» müzeyi, Pro100-mica, Tarihvemedeniyet saytlarınıñ malümatı qullanıla.
Fikir rubrikasında aydınlatılğan fikirler müelliflerge ait ve muarririyetniñ fikir-tüşünceleri ile aynı olmaması mümkün
