Link açıqlığı

İnsan aqları boyunca Qırım alan missiyasınıñ nezaret gruppası aprel 2-3 künleri Qırımnıñ çeşit köylerinde keçken tintüvler aqqında bildire. Bu vaqıt içersinde, uquq qorçalayıcılar aytqanı kibi, tintüv qırımlılarnıñ 20 evinde keçti.

Missiya vekilleri bildirgeni kibi, aprel 2 künü Juravki qasabasına avtobus, 10 yengil politsiya maşinası ve 5 UAZ kelgen edi. Er birinde silâlı insanlar, köpek ve OMON bar edi. Qasaba üzerinde vertolötlar uça edi, deyler uquq qoruyıcılar.

Olğan malümatqa köre, qasabağa ketirgen er üç yolda blok postlar tiklengen edi. Blok postlarda GAİ ve OMON hadimleri buluna edi.

«İnsanlarnı ve keçip ketken maşinalarnı vesiqalarnıñ teşkerüvine toqtata ediler. Şaatlarnıñ aytqanı kibi, slav körünişi olğan insanlarnıñ yalıñız vesiqalarını teşkerseler, qırımtatarlarnı evlerine qadar ozğara ve «baquvnı» keçire ediler. Kimerde politsiya hadimleri evlerge şaatsız kele eken. Böyle allarda tintüv degil, yalıñız baquv keçirile edi», – deyler Qırım alan missiyasında.

Uquq qorçalayıcılarnıñ malümatına köre, tintüv şu künü 10 evde keçirildi. Aynı böyle vaziyet aprel 3 künü Yarkoye pole qasabasında keçti, saba saat 9-dan tintüv 10 evde keçirildi.

Saq, Yedi Quyu ve Fontanı qasabasında blok postlar tiklendi. Silâlı insanlar köpekler ile soqaqlarda vesiqalarnı teşkere edi. Evlerde keçirilgen tintüvler aqta malümat yoq, deyler nezaret missiyasında.

Keçken afta yarımada boyunca blok-postlar tiklengen edi. Bunıñ ile beraber maşina ve evlerde tintüvler keçirile edi.

Rusiye Tış işler nazirliginde qayd etilgeni kibi, Qırımda aprel 10-na qadar sürecek «Zaslon-2015» talimatları keçe eken.

XS
SM
MD
LG