İnsan aqları boyunca Qırım alan eyyetiniñ reis muavini Оlga Skripnik yarımadada, yerli Anayasağa köre, ukrain, rus ve qırımtatar tilleri devlet tilleri olaraq qayd etilgenine baqmadan, aqiqiy vaziyet bam-başqa olğanını bildire.
Bunı o 5 kanal efirinde bildirdi.
«Misal içün, eger de ukrain tili aqqında aytacaq olsaq, ukrain tilini ögrengen talebelerniñ sayısı altı qat eksildi. Ukrain telekanalları yoq. ATR telekanalınıñ misalinde aynı şeyni köre bilemiz», – dedi Skripnik.
Evel uquq qoruyıcı teşkilâtta qayd etkenleri kibi, 2014 senesi mart ayında Rusiye tarafından Qırım işğal etkeninden soñ yarımadada ukrain tili ocalarınıñ sayısı qısqartıdı. Ukrain mekteplerinden Qırımda yalıñız Yalta şeer mektebi qaldı.
