Kamçatkanıñ yanında suvğa batqan «Dalniy Vostok» gemisiniñ deñizcilerniñ hatırasına salı künü Sahalin vilâyetinde matem künü ilân etilecek, dep haber ete Radio Svoboda.
«Spravedlivıy» qurtarıcı gemisi Korsakov limanına 25 deñizcini alıp kete. «Andromedada» 35 qurtarılğan deñizci, em de elâk olğan 56 deñizciniñ cesedi buluna. Gemi batqanından sebep zarar körgen 3 kişi Magadan vilâyeti hastahanesinde buluna.
Haber etilgeni kibi, «Dalniy Vostok» gemisi aprel 2-ge keçer gecesi Magadannıñ yanında Ohotskoye deñizinde suvğa battı. Gemide 132 insan bulunğan edi, 63 deñizci qurtarıldı, 56 – elâk oldı.
Matbuat vastalarınıñ malümatına köre, gemide üç qırımlı bar edi.
