Qırımtatar Milliy Meclis reisi Refat Çubarov Qırımda soñki ayları ATR telekanalınıñ saipdeşi olmağanını bildirdi.
Bunı o Facebook saifesinde yazdı.
«Bir qaç ay evelsi maña ait 1,4 % isse senetlerimni diger şahısqa ücretsiz süretet berdim. Çünki menim atta böyle ufaq payım ATR telekanalınа Qırım şaraitlerinde qayd olunmağa keder ete bilecegini añlay edim...», – dedi Çubarov.
Malüm olğanı kibi, aprel 1-den itibaren ATR işini toqtattı. Mart ayınıñ soñuna qadar telekanal Rusiye qanunlarına köre öyle de qayd olamadı.
Telekompaniya Roskomnadzorğa vesiqalarnı bir qaç kere bergen edi, lâkin olarnı farqlı sebeplerden keri qaytarğan ediler. ATR mediaholdingine kirgen Lâle qırımtatar bala telekanalı, «Meydan» ve «Lider» radioları da aynı vaziyetke oğradılar. «15 minut» internet neşiri ve QHA da Rusiyede qayd etip olamadılar.
