Link açıqlığı

Meclis: qırımtatarlarnı milliy matbuat vastalarından marum qaldırdılar


Mecliste deyler ki, yarımadada yaşağan qırımtatarlarnıñ artıq milliy matbuat vastaları qalmadı.

Temsiliy organnıñ matbuat hızmetinde Mustaqil qırımtatar matbuat vastalarını qoruvı boyunca halqara komitetiniñ malümatınıa aşkâr eteler. Oña köre, 2014 senesi aprel 1-ne qırımtatar milliy matbuat vastalarından tek biri - «Golos Krıma» (şimdi «Golos Krıma New» olğan) rus tilli gazetası ğayrılan qayd etüvden keçti.

Qırımtatar tilinde basılğan gazetelardan «Sudakskiye vesti» gazetasınıñ ilâvesi «Suvdaq sesi» regional neşiri qayd etildi.

«Böyleliknen, bugün Qırımda qırımtatar tilinde haberlerge irişüvni temin etken qırımtatar milliy matbuat vataları aman-aman qalmadı. Demek, qırımtatarlar haber qaynaqlarından marum qaldı», – deyler Mecliste.

2015 senesi mart 31-ne qadar Qırımda bir sıra qırımatatar matbuat vastası işley edi: «Yañı Dunya», «Qırım», «Golos Krıma», «Avdet» gazeteları, «Armançıq», «Qasevet», «Yıldız» mecmuaları, «QHA Qırım haberleri» ve «15 minut» internet portalı, ATR ve Lâle telekanalları, Meydan radiosı.

Malüm olğanı kibi, aprel 1-den itibaren ATR işini toqtattı. Mart ayınıñ soñuna qadar telekanal Rusiye qanunlarına köre öyle de qayd olamadı.

XS
SM
MD
LG