Link açıqlığı

Qırımdan Donbassqa gumanitar yardımnı yolladılar


Aqmescitten Donetsk ve Lugansk vilâyetlerine cuma künü, aprel 3-te, qırımlılar toplağan 65 tonnalıq gumanitar yardımnı yolladılar, – dep haber ete «Krım Media».

Qırım Nazirler Şurası reisiniñ birinci muavini Mihail Şeremetniñ yardımcısı Anna Pedos bildirdi ki, yardım «Donetsk ve Lugansk halq cumhuriyetleriniñ sakinlerine» azırlandı.

Memurnıñ aytqanına köre, gumanitar konvoy dört maşinadan ibaret. Olarnıñ içinde ilâc, aşayt mahsulatı ve birinci ihtiyac malı bar.

«Yardım etkenlerge büyükten-büyük teşekkürler bildiremiz. Çünki andaki adamlar kerçekten de fuqareler kibi», – dedi Pedos.

Fevral ayında Qırımdan Donetsk vilâyetine beş mikroavtobustan ibaret gumanitar yardım yollanğan edi. Soñra Qırım Devlet şurası Donbassqa 2,5 tonnalıq mal ve urba yardımını yollağan edi. Fevral ayında Aqyar sakinleri Donbass balaları içün 156 biñ ruble topladılar.

XS
SM
MD
LG