Aqmescitniñ Kiyev rayon mahkemesinde aprel 3-te 2014 senesi fevral ayında Kiyevdeki kütleviy çatışmalarda «Berkut» hadimine ketirilgen beden zarar ve silânı qanunsız alda qullanuvda qabaatlanğan Aleksandr Kostenkonıñ cinaiy işi boyunca ilk diñlev ötkerilmekte.
Bunı İnsan aqları Qırım alan missiyası bildire.
Qırım Euromaydanınıñ faali Aleksandr Kostenko 2015 senesi fevral 8-de Qırımda apiske alınğan edi. Aleksandr Aqmescitniñ SİZOsında buluna. O, onı qıynağanlarını bildirgen edi.
Uquq qorçalayıcılar bildirdiler ki, faalniñ soy-sopları Aleksandrnıñ babası ile bağlanıp olamaylar. O, Kiyevge ketken edi, amma yarımadağa qaytqanda bağ üzüldi.
Mart 24-te Kostenkonıñ işi Aqmescitniñ Kiyev rayon mahkemesine berildi. Cinaiy iş qabaatını Qırım prokurorı Natalya Poklonskaya baqacaq, aytıla beyanatta.
Qırım Muhtar Cumhuriyetiniñ prokuraturası Herson vilâyetinde faalniñ qanunsız yaqalanması boyunca mahkemeden aldın taqiqatqa başladı.
