Link açıqlığı

Saatnıñ esas haberi

Qırımlılar işğal etilgen Qırımda «Roshen» qanfetleriniñ satıluvından çorlana


Qırımlılar akimiyetke bir şeyni deñiştirmek içün müddet ayırdılar
Bekleñiz, lütfen

No media source currently available

0:00 0:01:22 0:00

Qırımlılar akimiyetke bir şeyni deñiştirmek içün müddet ayırdılar

«Ukrain evi» emek ve medeniy işbirlik Qırım merkeziniñ reberi Andriy Şçekun işğal etilgen Qırımda «Roshen» mahsulatınıñ satıluvından açuvını bildirdi ve ukrain akimiyetine Qırım meseleleri boyunca muayyen areketlerniñ aprel 15-ne qadar eda etilmek kerekligi aqqında hatırlattı.

Bu müddet mart 10 künü cemaat temsilcileri tarafından keçirilgen tögerek masa beyannamesinde qayd etilgen, – hatırlattı Şçekun Kiyevde aprel 2 künü keçirilgen brifing devamında, haber ete Qırım.Aqiqat mühbiri.

«Bugün işğal etilgen Qırımda qalğan qırımlılar içün cevabımız yoq. Ne içün «Roshen» şirketiniñ qanfetleri satıla? «Qırım» serbest iqtisadiy zonası aqqında qanunnen ne ola? – dey faal.

Brifing devamında o, Aqmescitniñ tükânlarından birinde yaqında «Roshen» qanfetleriniñ satın alınuvını tasdiqlağan çekni kösterdi.

Cemaatçılar Ukraina devlet akimiyet organlarına aprel 15-ne qadar Qırım meseleleri boyunca cemaat şurası ve mahsus organnı teşkil etmek zaruriyeti aqta hatırlattı.

2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

Bundan soñra AQŞ ve Avropa Birligi Rusiyege qarşı bir sıra iqtisadiy cezalarnı kirsettiler. Ğarp Qırım Ukraina olğanını ayta.

XS
SM
MD
LG