Cumaaqşamı künü, aprel 2-de, Petro Poroşenko Вlokundan halq deputatı Stepan Barna Ternopol vilâyetiniñ başı vazifesine tayinlendi. Onıñ parlamentteki yerine Qırımtatar Milliy Meclis reisi Refat Çubarov keçecek.
Çubarovnıñ Ukraina Yuqarı Şurasınıñ deputat saflarına kirecegi aqqında yañı sessiyanıñ başında ilân etildi, – dep tarif ettiler Qırım.Aqiqat mühbirine Petro Poroşenko Blokunıñ matbuat hızmetinde.
«Refat Çubarov pek belli ve teren insandır, böyle şahıslarnen işlemege memnünmiz», – deyler matbuat hızmetinde.
«Olğan imkânlarımnı qaviyleştirgen ve yañı fırsatlarnı yaratqan bir meydançıq olacaqtır», – dedi Qırım.Aqiqatqa Refat Çubarov.
Qırımtatar Milliy Meclis reisi Refat Çubarov Petro Poroşenko Blokundan deputatlarnıñ cedvelinde 71-nci yerni ala. Ukraina Yuqarı Şurasınıñ terkibinden deputatlardan biri çıqsa, Refat Çubarov onıñ yerine keçe.
