Link açıqlığı

Qırım prokuraturası Qurultay delegatını «ekstremistik aktsiyalarnıñ keçirilmesi» aqqında tenbiyeledi


Prokuratura hadimleri VI Qırımtatar Milliy Qurultayınıñ Teftiş komissiyasınıñ reisi Ali Özenbaşnı tenbiyelediler.

Bunı o, Qırım.Aqiqatqa bildirdi.

«Ober Anna Aleksandrovna meni telefon vastasınen prokuraturağa davet etti, şeer (Aqmescit) prokurorınıñ muavini, adalet mesleatçısı Kulibaba S.Y. imzalağan «Tenbi» adlı vesiqanı seslendirip, onı maña tuttırdı», – dep ayttı Özenbaş.

Onıñ bildirgenine köre, bu vesiqada «Aqmescit prokuraturasınıñ malümatına köre, Qırımtatar Milliy Meclisi ekstremistik aktsiyalarnıñ keçirilmesini tüşüne...», dep qayd etile.

«Böyle etip añlaşıla ki, Aqmescit şeeriniñ prokuraturası ve Qırımtatar Milliy Meclisi añlaştılar, Meclis ise prokuraturada buña niyetlene, çünki Meclis binası tevqif etildi. Bir de bir planlarğa qadar ve «ekstremistik» aktsiyalar ötkerilmeycek, dep ümüt etmek kerek», – dep ayta Özenbaş.

O, bu malümatnı Qırımtatar Milliy Qurultayınıñ sessiyasında onıñ delegatlarnı bildirmege istey, Qurultay ise bunıñ kibi «işbirlikke» qıymet kesecek.

Özenbaşnıñ bildirgenine köre, bundan ğayrı, tenbide aytıla ki, «o, vaziyetni kerginleştirecek tedbirler, ekstremistik aktsiyalar keçire bile».

«Angi vaziyet ve menim oña alâqam aqqında vesiqada iç bir söz yoq», – dep ayta Özenbaş.

Qırımda Qırımtatar Milliy Meclisi azalarınıñ evlerinde tintüvler keçirile. Bu künleri Meclis reisiniñ muavinleri Nariman Celâl ve İlmi Ümerovnıñ evlerinde tintüv keçirildi.

XS
SM
MD
LG