Avropa Birliginiñ tış işler yüksek vekiliniñ spikeri Qırımda ATR qırımtatar telekanalınıñ yayınlavını yañıdan başlatmağa çağırdı. Bunı çarşenbe künü, aprel 1-de, Radio Svoboda bildirdi.
«Bu söz ve fikir serbestligi aqqını bozup, qırımtatarlarnı taqip etüv ve qorquzuv keniş kampaniyasınıñ bir qısmı ola», – dep bildireler Avropa birliginde.
Mart 31-den aprel 1-ge keçer gecesi ATR qırımtatar telekanalı, Lâle bala telekanalı, «Meydan» ve «Lider» radioları yayınlarını toqtattılar. Roskomnadzor Rusiye akimiyetine yollanğan bir sıra muracaat, «ATRni öldürmeñiz» adlı telemarafonğa baqmadan, mezkür matbuat vastalarını Rusiye qanunlarına köre kütleviy haber vastaları olaraq qayd etmey.
Mediaholdingniñ reberligi üküm sürgen vaziyette çalışmaq içün imkânlarnı qıdıra.
Ukraina prezidenti Petro Poroşenko İnformatsion siyaset nazirligine ATR telekanalına qıtaiy Ukrainada çalışmağa ve yayınlamağa imkân berecek şaraitler yaratmasını emir etti.
