Link açıqlığı

Müftiyat: Aqmescitte Qalğa Sultannıñ sarayı yerinde qurucılıq işleri toqtatıldı


Aqmescitte, tarihçılarnıñ aytqanına köre, Qalğa Sultannıñ sarayı ve Birinci Mengli Giray qurğan XV asırnıñ camisi yerleşken cami yerinde qurucılıq işleri toqtatıldı.

Qırım musulmanları Diniy idaresiniñ matbuat hızmeti bildirdi ki, böyle bir qarar Qırım Müftisi acı Emirali Ablayevniñ Qırım yolbaşçısı Sergey Aksenov ile körüşüvinde qabul etildi.

«Bu yerde, ilk malümatlarğa köre, çoq qatlı evniñ qurucılıq işleri başlanğan edi, qora qoyuldı, ekskavator çalışqan edi. Al-azırda bu işler toqtatıldı, qora yıqıldı», – aytıla beyanatta.

Qırım.Aqiqat saytı bildire ki, Müftiyat Qırım prokuraturasına muracaatta bulunıp, Aqmescit şeer şurası tarafından bu topraq damartısınıñ ayırılmasını teşkermege rica etken edi.

Mart 28-de Qırım müendislik pedagogika ünivesitetinde «Aqmescitniñ tarih-medeniyet mirasını ögrenüv ve saqlap qaluv meseleleri. Qalğa Sultan: tarihı, atiqiyatı, ögrenüv meseleleri» tögerek masası olıp keçti. Tedbirde alim, cemaat erbapları, Qırım müzeyleriniñ vekilleri, Qırım Medeniyet nazirliginiñ hadimleri iştirak ettiler. QMDİ adından tedbirde Qırım Müftisiniñ muavini Ayder İsmailov iştirak etti.

XS
SM
MD
LG