Link açıqlığı

Litvaniya Tış işler naziri Linas Linkâviçüsni ATR qırımtatar telekanalı ve aprel 1-den itibaren Roskomnadzor iznini alıp olamağan soñ işini toqtatmağa mecbur olğan bir sıra qırımtatar kütleviy haber vastasınıñ qapatılması raatsızlay.

«Rusiyeniñ Qırımdaki serbestlikke qarşı basqıları devam etmekte: yekâne olğan qırımtatar telekanalınıñ qapatılması qasevet doğura», – dep yazdı Twitterde Litvaniya Tış işler naziri.

Aprel 1-den itibaren ATR işini toqtattı. Mart ayınıñ soñuna qadar telekanal Rusiye qanunlarına köre öyle de qayd olamadı.

Telekompaniya Roskomnadzorğa vesiqalarnı bir qaç kere bergen edi, lâkin olarnı farqlı sebeplerden keri qaytarğan ediler. ATR mediaholdingine kirgen Lâle qırımtatar bala telekanalı, «Meydan» ve «Lider» radioları da aynı vaziyetke oğradılar. «15 minut» internet neşiri ve QHA da Rusiyede qayd etip olamadılar.

XS
SM
MD
LG