Avropa komissiyası mart 31-de Ukrainağa 250 million euro berilmesi aqqında qarar aldı. Bu sermiya maliye yardımnıñ birinci ve ekinci programmaları çerçivesinde qalğan edi, dep haber ete Avropa komissiyasınıñ matbuat hızmeti.
Para Kiyevge aprel ayınıñ soñuna qadar berilecektir.
İlk eki programmanıñ çerçivesinde Kiyev 1,61 milliard eurodan 1,36 alğan edi. 1,8 mlrd. euro miqdarında üçünci programmanı Kiyev üç parça olaraq alacaq: ekisini yılnıñ soñuna qadar ve daa bir danesini – 2016 senesiniñ baarinde.
Bu sene yanvar ayında Avropa komissiyası Ukrainağa büyük maddiy yardım berilmesini teklif etti – 1,8 milliard eurolıq orta acele kreditler.
