Link açıqlığı

Putinniñ matbuat kâtibi: ATR işiniñ toqtatılması ile bağlı meselelerniñ çezilmesi – Kremlniñ işi degil


Kreml Qırımda ATR telekanalı işiniñ toqtatılması ile bağlı meselelerniñ çezilmesine kirişmeyip, bu meseleni belli organlar ile al etmege tevsiye ete.

Bunı Rusiye prezidentiniñ matbuat kâtibi Dmitriy Peskov bildirdiyu

«Bunıñ kibi meselelerniñ al etilmesi – Kremlniñ işi degil», – dep tekrarlay Peskovnıñ aytqanlarını Rusiye kütleviy haber vastaları.

«Bizde nezaret, litsenziyanı bergen organlar bar, olar qarar alalar. Bu sebepten bu kütleviy haber vastalarınıñ bu organlar ile bağ meselesidir», – dep ayttı Peskov.

Aprel 1-den itibaren ATR işini toqtattı. Mart ayınıñ soñuna qadar telekanal Rusiye qanunlarına köre öyle de qayd olamadı.

Telekompaniya Roskomnadzorğa vesiqalarnı bir qaç kere bergen edi, lâkin olarnı farqlı sebeplerden keri qaytarğan ediler. ATR mediaholdingine kirgen Lâle qırımtatar bala telekanalı, «Meydan» ve «Lider» radioları da aynı vaziyetke oğradılar. «15 minut» internet neşiri ve QHA da Rusiyede qayd etip olamadılar.

Telekanal, cemaat teşkilâtları ve teleseyirciler Rusiye prezidenti Vladimir Putinge açıq mektüpni yollap, ATRge Rusiye qanunlarına köre qayd olmaq içün yardım etmege rica etken ediler.

XS
SM
MD
LG