«ATR» mediaholding terkibine kirgen «Lâle» birinci bala telekanalınıñ yayınlavı, Roskomnadzor tarafından çalışuv izni berilmegeninden sebep, aprel 1-ne keçer gecesi toqtaldı.
«Lâle» telekanalınıñ efirinde olğan leyhalardan yarısı şahsiy imalat edi. Bala medeniy-maarif, muzıkal, ilmiy programmalar ve ilâhre.
Salı künü, mart 31-de, saat 19:30 işbu mediaholdingniñ terkibinde olğan «Lider» radiosınıñ yayınlavı toqtaldı. Alıp barıcı efirde diñleyicilerge diqqat içün minnetdarlığını bildirdi, bundan soñ FM yayınlavı toqtaldı.
ATR şirketine kirgen «15 minut» internet neşiri, QHA haber saytı ve diger qırımtatar matbuat vastaları da şimdi aynı vaziyettedir. Martnıñ soñuna qadar Rusiye qanuniyetine köre öyle de qayd etip olamadılar.
Qırımtatar matbuat vastalarından Rusiye qaydını yalıñız rus tilinde basılğan «Golos Krıma» gazetası aldı. Neşirde aytılğanı kibi, gazeta endi 6 biñ nusha ve «Golos Krıma New» serlevası ile çıqacaq.
