Link açıqlığı

Telekörüv ve radiyoyayınlav meseleleri boyunca Ukraina Milliy şurası provayderlerge ATR qırımtatar telekanalına qol tutmağa ve yayınlarınıñ Ukraina kabel ağlarında temin etmege çağırdı.

Bunı Milliy şurasınıñ matbuat hızmeti bildire.

«Böyle bir göñülli areket Qırım Muhtar Cumhuriyetiniñ ealisine, hususan tuvğan toprağında zulumğa rastkelgen qırımtatar halqına Ukraina media saası onıñ söz serbestligi ve mustaqilligi ğaуеlеrinde oña qol tutqanını kösterir», – deyler mında.

Aprel 1 kününden ATR yayınlavınıñ toqtatılması mümkün. Eger de telekanal martnıñ soñuna qadar Rusiye qanuniyetine köre matbuat vastası olaraq qayd etilmese, işi toqtatılacaq.

Teleşirket bir qaç kere Roskomnadzorğa vesiqalarını bere edi, amma çeşit sebeplerden olarnı qaytara ediler. ATR şirketine kirgen Lâle qırımtatar bala telekanalı, «Meydan» ve «Lider» radiosı, «15 minut» internet neşiri de şimdi aynı vaziyettedir

XS
SM
MD
LG